به ناوی کوردستانی گهوره .

ح. س. سۆران

soransa@hotmail.com

تاران – 14/8 2707

خادیمانی زگ زلانی حهرهمانی شهریفان و پاپا !!!

Pope Benedict XVI says: Kurds should be given complete rights.

ههروهک ههمومان دهزانین ، چهند رۆژێکه ، تورکیا ( تورکستان) ، بۆ ههڕهشه و گوڕهشه ، هێزهکانی هێناوهته سهر سنووری ههرێمی کوردستان و به بیانوی پاکتاو کردنی ( پ . ک. ک ) ، کێو و شاخی کوردستان تۆپ باران ، مووشهک باران ، ئاور باران دهکا و کهس نیه بڵێ ئاڕکاداش ، نزیکهی بیست ساڵی رهبهقه ، له شوێن ( پ. ک. ک ) دهگهڕێی ، خۆت گێل دهکهی ، هێزی پ .ک. ک ، پاکیان له شهقام ، کۆڵان ، دهشت ، كیو پاره و تهواوی شوێنهکانی کوردستانی داگیرکراوی تورکیان . یانی زۆر باش دهزانین ، ئهگهر نزیکهی بیست میلیۆن کوردی باکوور ، ههمو راستهوخۆش سهر به پ. ک. ک نهبن ، هێزهکانی پ. ک. ک ، له رهسهنترین رۆڵه کانی ئهوان و بهشهکانی دیکهی کوردستانن .

ئهفهندم ! ئێستا وهک راوچیه خۆێڕیهکان ، له باتی ئهوهی بۆ شێر و لانهکهی بگهڕێن ، به دوای پای شێر دا ، دهخوولێنهوه . مهگهر زلکوێرن ؟ زۆر رۆژ، له شاره کانی باکووری کوردستان و تهواوی کوردستانی گهوره و جیهان ، به میلیۆن خهلك کۆ دهبنهوه و لاگری له سهرۆک ئاپۆ دهکهن ، وێنهی نیشان دهدهن ، دروشم دهدهن و ژیانیان له دژانی ئوجهلان کردوه به ژاری مار .ئهو بیست میلیۆنه پ . ک . ک یه ، لهگهڵ پ.ک.ک . ه کانی ناوچهکانی دیکهی کوردستان تۆفیریان چیه ؟ پ. ک. ک ، یانی بزووتنهوهی ئاشتی و رزگاری خوازی کوردستانی گهوره . پ. ک. ک ، یانی هێنهری چهپکه گوڵی دێمۆکڕاسی بۆ تورکهکانی تورکیاش ، پ.ک.ک یانی ئهو کاسانهی که تورکه ئاسایهکانی تورکیاش ، به دۆست و هاو دهردی خۆیان دهزانن و نایهنهوێ دڵۆپێ خوێن له لووتی هیچ تورکێک بێ . وا باشه لهو ههشت عهسکهره تورکه دیله بهردراوهی دوێنێ بپرسن ، که ههڵسوکهوتی پ. ک. ک له گهڵ ئێوه ، بهرانبهر به ههڵسوکهوتی تورکیا لهتهک سهرۆک ئاپۆ دا، چۆن ههڵدهسهنگێنن . ههر وهک دهزانن پ. ک. ک ، ئهو عهسکهرانه یان چهند رۆژ زۆر به رێزهوه وهک میوان بهخێو کرد و له پاشان بهریان دان ، ئێوه چهند ساڵه سهرۆکی مهزنی ئهم گهلهتان دزیوه و له بهندیخانه جهزرهبهی دهدهن، له تهواوی کوردستانی گهوره رێفێڕاندوم بکهن ، بزانن – "زوربهی سهد له سهدی کورد ، گرتنی سهرۆک ئاپۆ به رفاندن و دزیهکی رامیاری دهزانن و شهرهمه زاری دهکهن " .

ئیدی تهوای خهڵکی جیهان تێگهیشتوون ، ئێوه نه به هێزی پ. ک. ک دهوێرن ، نه دهرهقهتیان دێن و نه دهتانهوێ به شوێن ئهوان دا بچنه باشووری کوردستان ، ئێوه وهک مۆته له دروست بوونی وڵاتێکی کوردی ، ده ترسن و بۆنی نهوتی باباگوڕگوڕی کهرکووکیشتان کردوه ؟ ئهرگه بتانتوانیایه ، ئێوهش دهمێ بو له باکووری کوردستان پاکتاوی رهگهزیتان دهکرد .

له لایهکی دیکهوه ، تهواوی خهلكی جیهان ، هاواریان لێ بهرزهوه بو و ههستیان بهوه کرد ، که دهتانهوێ وهک سهددام، کورد قهلاچۆ و ئهنفال بکهن ، ههر بۆیه زۆر له گهوره مرۆڤانی گیتی ئامۆژگاری ئێوهیان کرد :

بهڵام ،لهم بهستێنهدا ، خادیمانی زگزلانی حهرهمانی شهریفان ، که ههمو ساڵێک گهلی کورد ، له پێناو بڕوای ئایینی دا ، به مێگهل وشتری چاو بهڵهکی بێ سووچ و تاوان دهبهنه شارهکانی ئهوان ، سهریان دهبڕن ،دهرخواردیان دهدهن و سهفاو مهڕوه دهکهن ، منتق له دهمیان دهرنههات . ههزارخادیمی سپڵه و مفتهخۆری وا له دهوری سهری پاپا بێنێدیکت شازده ، بهرپرسی کلیسای سێنت پێتێر له واتیکان بگهڕێ ، که به تاڵوکه له سهر کوردی کردهوه . تازه شێخ به ششار حوسهین ( سهددام ئهسهد) ، فهرموی دهبێ کورده کان به جارێ پاماڵ بکهن ، بهڵام خهڵکی قامیشلو ، شتێکی نهرمیان دهرخوارد دا و ههزار دروودیان نارد بۆ بێڕنارد کووشنێر ، وهزیری یۆنانی و تهوای لاگرانی دیکهی مرۆڤایهتی ، که بهزهییان به کورد دا هات .

ئاڕکاداش ! وجاخی وێرانی ههیاتیله ، چهنگیز ، هولاکۆ ، تهیمووره شهل ، سوڵتانه کانی عوسمانی و کهمال آتاتورک ، رۆشن مهکهنهوه ، وهرن ئهو خوینه مێژوویانه که رژاندوویانه ، به ئێکسیری بهزه و تێگهین بشۆرنهوه . خۆتان دڵنیان ، کورد ههم ئێوه و ههم تهواوی جیرانهکانی خۆی خۆش دهوێ و رێزتان لێ دهگرێ ، ههر بۆیه رێبهرانی ئاشتی ویستی کوردستان ، لهپهستا " دهڵێن ئێمه شهڕمان ناوێ، ئێمه دۆستی تورک و مۆرکین ،تۆغا شهڕمان پێ مهفرۆشن "، بهڵام کوا ئهو کهسهی که ههم له قسهی کورد بگا و ههم مافی پێشێل نهکا ؟

ئهی گهلی کوردی خۆشهویست ! لهگهڵ رێزم بۆ بیر و بڕوای ههموکهس ، ئێمهش با لهمساڵهوه ، هێندێک لهو پاره ، وشتر و پهز و مهز و شته ، له مهیدانی سێنت پێتێر و بۆ خادیمی شهریفی واتیکان خهرج بکهین ، چون پاپا ههم سهلماندی دۆستی کورده و ههم له لایهکیشهوه ، رێبهری حهشیمهتی کاتۆلیکهکانی کوردستانه. یا بهلای کهمهوه ، دهشتهکانی شارهزوور ، ناوکۆ ، گهرمیان ، حاجی حهسهن و شلێر بهو پارهیه ئاوهدان بکهینهوه ، خادێمانی حهرهمان پارهی مفتی نهوتیان فرهس! . خودا گیانی کوردستانی گهوره بۆ خۆی فهرموویهتی : " تا ماڵ بیهوێ ، له مزگهوت حهرامه ".

به قوربانی چاوه گهشهکانتان بم ، با له ههزارهی سێ دا ، ئیدی ههر به گۆتره وشتر بهرهو بیابان و شانۆی سهربڕین لێ نهخوڕین . خادیمانی زگزلانی حهرهمانی شهریفان ، رهنگه ههر ئێمه به کوردیش نهزانن ، لهوهدهچێ ئهوانیش پێیان وابێ ، ئێمه له هۆزی قوڕهیشی و موڕهیشین و چون پهڕهوازهی کێو و شاخ بووین ، عارهبیمان له بیر چوهتهوه .

ئهفاکهڵڵا !!! خادیم گیان !!! کورد چاوهڕوان بو تۆ ببیته ردێن سپی ، ناونجی و بۆ پاراستنی کورد شتێ بڵێی ، که چی پاپا ئهو ئهرکهی خسته سهر شانی خۆی .