کۆمیسیۆنەکان

دەستەی کارگێڕیی کاتی

بەرزترین دەسەڵاتی جێبەجێکردنە لەم قۆناغەدا. ئەرکی سەرەکی بریتییە لە سەرپەرشتیاری گشتیی جێبەجێکردنی پلانی ٦ مانگە، بەڕێوەبردنی کاروباری ڕۆژانە، و هەماهەنگی لە نێوان تەواوی کۆمیسیۆنەکاندا بۆ دڵنیابوون لە یەکگرتوویی دامەزراوەیی.

ناوەندی ستراتیژی

وەک ناوەندی بیرکردنەوە و عەقڵی دامەزراوەکە کار دەکات. ئەرکی ئەم ناوەندە بریتییە لە داڕشتنی دۆکتۆرینی سیاسی و ئەمنی، ئامادەکردنی بەڵگەنامە ستراتیژییەکان، و پشتیوانیی زانستی بۆ بڕیارەکانی دەستەی کارگێڕی.

KNC-1: پەیوەندییەکان و دیپلۆماسی

بەرپرسە لە نوێنەرایەتیکردنی گوتاری فەرمیی کۆنگرە لە دەرەوە. ئەرکە ستراتیژییەکانی بریتین لە:

• بەڕێوەبردنی پەیوەندییە فەرمییەکان لەگەڵ ناوەند و دامەزراوە نێودەوڵەتییەکان.
• دروستکردنی پردی هەماهەنگی لەگەڵ دۆستانی دۆزی ڕەوای کوردستان.
• خستنەڕووی دۆسیەی سەربەخۆیی کوردستان لە چوارچێوەی پرینسیپە بنەماییەکانی نەتەوەسازیی و دیپلۆماسیدا.
• ڕێکخستنی دیالۆگی نیشتمانی لەگەڵ هێز و پارتە کوردستانییەکان بۆ یەکخستنی گوتاری دەرەوە.

KNC-2: ڕاگەیاندن و میدیا

تاکە سەرچاوەی فەرمیی هەواڵ و زانیارییەکانی کۆنگرەیە. ئەرکەکانی بریتین لە:

• بەڕێوەبردنی پلاتفۆرمە دیجیتاڵییە فەرمییەکانی دامەزراوەکە.
• بڵاوکردنەوەی بەیاننامە، ڕوونکردنەوە و هەڵوێستە فەرمییەکان.
• پاراستنی یەکگرتوویی گوتاری میدیایی نیشتمانی و بەرپەرچدانەوەی پڕۆپاگەندەی دژ.

KNC-3: کارگێڕی و سەرچاوەکان

بەرپرسە لە بەڕێوەبردنی کاروباری ناوخۆیی و سەقامگیریی دامەزراوەکە. ئەرکەکانی بریتین لە:

• بەڕێوەبردنی سەرچاوە مرۆیی و لۆجستییەکان بە شێوەیەکی پیشەیی.
• دڵنیابوونەوە لە بەردەوامیی کارەکان و سەربەخۆیی بڕیاری دامەزراوەکە.
• چاودێریکردنی دابەشکردنی سەرچاوەکان بە شەفافییەتێکی تەواو.

KNC-4: کاروباری یاسایی و زاگۆن

پارێزەری ناسنامەی یاسایی و شەرعییەتی کۆنگرەیە. ئەرکە بنەڕەتییەکانی بریتین لە:

• چاودێریکردنی پەیڕەوکردنی پڕەنسیپەکانی “زاگۆن” (دەستووری کۆماری کوردستان).
• ئامادەکردنی پەیڕەوە ناوخۆییەکان و دڵنیابوونەوە لە دیموکراسیی ناوخۆیی.
• تەواوکردنی ڕێکارەکانی تۆمارکردنی یاسایی دامەزراوەکە لە وڵاتانی پەیوەندیدار.
• نوێنەرایەتیکردنی دامەزراوەکە لە هەر کەیسێکی یاسایی کە بێتە پێش.

KNC-5: پەیوەندییە گشتییەکان

هەماهەنگی لە نێوان دامەزراوەکە و چین و توێژەکان ڕێک دەخات. ئەرکەکانی بریتین لە:

• دروستکردنی ژینگەی هەماهەنگی لەگەڵ کەسایەتی و دڵسۆزانی وڵات.
• ڕێکخستنی بۆنە و چالاکییە نیشتمانییەکان بۆ بەهێزکردنی گیانی پێکەوەکارکردن.
• بەڕێوەبردنی کاروباری ئەندامان و دۆستانی کۆنگرە.